旅遊集錦篇（23）哈爾濱：龍沙公園，極樂寺，河畔公園，太陽島，冰睢館
民國
1913年濱江廳改為濱江縣，1914年改爲濱江道。
1918年，俄國內戰，之後俄國又有共產黨運動，於是好多沙俄將軍、貴族、地主、資本家、難民被迫流亡國外，其中哈爾濱同上海係白俄、俄系猶太人聚居嘅中國城市，哈爾濱一度係俄國之外最大嘅俄人聚居城市，佢哋喺哈爾濱起咗幾十間俄文學校，重開辦俄文報刊，同時哈爾濱嘅東正教堂都好興，令哈爾濱更似西方城市。
1921年設東省特別區市政管理局，1926年設特別市，將管轄權收歸中國。其中埠頭區、新街市係特別市範圍，馬家溝、老哈爾濱（家下嘅香坊區）、新安埠、八區、顧鄉、正陽河屬東省特別區市政管理局。
滿洲國
滿洲事變後，1933年7月1號將原先特別市範圍擴大到東省特別區市政管理局、吉林省濱江縣、黑龍江省松浦市，直屬滿洲國政府。
1937年改為濱江省省會。
二戰之後
1945年8月18號蘇聯軍控制咗哈爾濱，後來轉交民國政府，設特別市直屬國府。
1946年4月28號中共控制哈爾濱，11月18號特別市歸中共政權，1949年3月取消特別市，改爲松江省省會；1953年7月8號又成為直轄市，1954年松江、黑龍江兩省合併，哈爾濱又放返畀省做黑龍江省會至今。
2007年旅遊山東實地拍攝影片
沒有留言:
張貼留言